MÁTIU CHAPTA 21
MATTHEW CHAPTER 21
Jízọs Ẹ́ntá Jẹrúsálẹm as King
Jesus Enters Jerusalem as King
(Vas 1-11)
(Verses 1-11)
(Mak 11:1-11; Luk 19:28-40; Jọn 12:12-19)
(Mark 11:1-11; Luke 19:28-40; John 12:12-19)
1. Wẹ́n Jízọs an di pípul wé de fọ́ló Im wè dọ́n de kọ́m niá Jẹrúsálẹm, dẹm kọ́n rích Bẹtfáji. Bẹtfáji bi wọ́n vílej wé dé fọ Ólív Máuntin. Fọ dia, Jízọs kọ́n sẹ́n tuú ọf di pípul wé de fọ́ló Im wè.
1. When Jesus and His disciples were coming closer to Jerusalem, they reached Bethphage. Bethphage was a village at the Mount of Olives. From there, Jesus sent two of His disciples
2. I tẹ́l dẹm sé, “Mék una gó ínsaíd di vílej wé dé fọ una frọnt. As una jọ́s ẹ́ntá di vílej, una go sí wọ́n jakí wé dẹm taí rop. Di jakí pikin dé dia wit am. Mék una lúz dẹm an bríng dẹm to Mi.
2. after He had said to them, “Go into the village that is ahead of you. As soon as you enter the village, you will see a donkey tied there with her colt. Untie them and bring them to Me.
3. Íf éníbọ́di tẹ́l una énítin, mék una sé, ‘Awa Ọgá níd dẹm.’ An di pẹ́sin go lív una mék una ték dẹm atwọns.”
3. If anyone says anything to you, say, ‘Our Lord has need of them.’ And the person will let you take them right away.”
4. Dís tin bin hápun, só dat wétín Gọd tọ́k trú Im prọ́fẹt go hápún as Gọd tọk. Gọd sé,
4. This took place so that what God said through His prophet will come true, just as God said it would. God said,
5. “Mék una tẹ́l Jẹrúsálẹ́m pípul, ‘Luk, una King de kọ́m mít una! I dé họ́mbul an I de raíd ọntọ́p jakí, an ọntọ́p jakí-pikin.’ ”
5. “Tell the people of Jerusalem, ‘Look, your King is coming to you! He is humble and He is riding on a donkey, and on a colt.’ ”
6. Naím di tuú pípul wé de fọ́ló Jízọs Im wè kọ́n gó dú wétín Jízọs tẹ́l dẹm mék dẹm du.
6. Then the two disciples went and did what Jesus told them to do.
7. Dẹm bríng di jakí an di jakí-pikin to Jízọs. Dẹn dẹm sprẹ́d dẹm klọt ọntọ́p di jakí-dẹm, an Jízọs kọ́n sidọ́n ọntọ́p di klọt-dẹm.
7. They brought the donkey and the colt to Jesus. Then they spread their coats on them, and Jesus sat on the coats.
8. Plẹ́ntí plẹ́ntí pípul sprẹ́d dẹm klọt fọ rod. An ọ́dá pípul kọ́t branch-dẹm frọm trii kọ́n sprẹ́d dẹm fọ di rod.
8. A very large crowd of people spread their coats on the road. And other people cut branches from trees and spread them on the road.
9. Di pípul we dé waká fọ Jízọs frọnt an di wọns wé de fọ́ló Am fọ bak kọ́n de shaút, “Mék ẹ́vríbọ́di préz Dévid Pikin! Mék Gọd blẹ́s di Pẹ́sin wé de kọ́m wit Gọd páwa! Mék ẹ́vríbọ́di préz Gọd wé de lív fọ hẹ́vun!”
9. The people who walked in front of Jesus and the ones who followed behind Him were shouting, “Praise be to the Son of David! God bless the One who comes with the Lord’s power! Praise be to God who lives in heaven!”
10. Wẹ́n Jízọs ẹ́ntá Jẹrúsálẹm, di hól taun tọ́n ọ́psaíd daun. Di pípul kọ́n de áks, “Hú bi dis?”
10. When Jesus entered Jerusalem, the whole city was thrown into an uproar. The people were asking, “Who is this?”
11. Naím di plẹ́ntí pípul kọ́n ánsá, “Dis na Prọfẹt Jízọs wé kọ́m frọm Názárẹt wé dé fọ Gálíli.”
11. The people in the crowd answered, “This is Prophet Jesus who comes from Nazareth in Galilee.”
Jízọs Draív Mákẹ́t Pípul Kọmọ́t frọm di Yád ọf Gọd-Haus
Jesus Drives Out Traders from the Yard of God’s House
(Vas 12-17)
(Verses 12-17)
(Mak 11:15-19; Luk 19:45-48; Jọn 2:13-22)
(Mark 11:15-19; Luke 19:45-48; John 2:13-22)
12. Dẹn Jízọs kọ́n ẹ́ntá di yád ọf Gọd-Haus. An I draív ọ́l di pípul wé dé dia de bai baí an sẹl sẹ́l tins. I tọ́n óvá di tébul-dẹm ọf di pípul wé de chenj chénj mọní. An I ọ́lso tọ́n óvá di chia-dẹm ọf di pípul wé de sẹ́l dov-dẹm.
12. Then Jesus went into the yard of God’s House. And He drove out all the people who were buying and selling things there. He turned over the tables of the people who were exchanging money. And He also turned over the chairs of those who were selling doves.
13. Jízọs tọ́k to ọ́l dís pípul. I sé, “Dẹm raít fọ Gọd-Buk sé, Gọd sé, ‘Mai Haus go bi ples wiá pípul de kọ́m prè.’ Bọt una dọ́n tọ́n am to ples wiá tif-pípul de haid!”
13. Jesus spoke to all those people. He said, “It is written in God’s Book that God said, ‘My house will be a place where people come to pray.’ But you have turned it into a place where thieves hide!”
14. Blaín pípul an pípul wé nọ́ fít waká kọ́n kọ́m to Jízọs fọ ínsaíd di yád ọf Gọd-Haus, an I kiọ́ dẹm.
14. People who were blind and those who could not walk, came to Jesus in the yard of God’s House, and He healed them.
15. Di chíf prist-dẹm an di tícha-dẹm wé de tích Gọd Lọ bin sí di wọ́ndáfúl tins wé Jízọs de du. Dẹm ọ́lsó hiá as di smọ́l pikin-dẹm de shaút ínsaíd Gọd-Haus de sé, “Mék ẹ́vríbọ́di préz Dévid Pikin!” Dís tins mék di chíf prist-dẹm an di tícha-dẹm wé de tích Gọd Lọ mék dẹm vẹ́ks bád bad.
15. The chief priests and the teachers of God’s Law saw the wonderful things that Jesus was doing. They also heard as the little children were shouting in God’s House, “Praise be to the Son of David!” These things made the chief priests and the teachers of God’s Law very angry.
16. Naím dẹm áks Jízọs sé, “Yu de hiá wétín dís smọ́l pikin-dẹm de tọk?” Jízọs ánsá dẹm sé, “Yẹs, A de hiá am. Abí una nẹ́vá ríd dís pát ọf Gọd-Buk wé sé, ‘Yu dọ́n mék smọ́l pikin-dẹm an taáta-dẹm wé stíl de sọ́k brẹst mék dẹm de préz Yú’?”
16. So they asked Jesus, “Do You hear what these children are saying?” Jesus answered them, “Yes, I do. Haven’t you read this part of God’s Book that says, ‘You have caused little children and nursing babies to praise You’?”
17. Naím Jízọs lív dẹm, an kọ́n kọmọ́t frọm di taun gó slíp fọ Bẹ́táni.
17. Then Jesus left them and went out of the city to Bethany, and slept there.
Di Torí ọf di Fíg Trii Wé Nọ́ Gẹ́t Frut
The Story of the Fig Tree That Has No Fruit
(Vas 18-22)
(Verses 18-22)
(Mak 11:12-14, 20-24)
(Mark 11:12-14, 20-24)
18. Fọ ẹ́lí mọ́nin, as Jízọs de gó bák to Jẹrúsálẹm, họ́ngri kọ́n de kách Am.
18. Early in the morning as Jesus was going back to Jerusalem, He became hungry.
19. Naím I sí di trií ọf wọ́n frut wé dẹm de kọ́l ‘fig’. Di trii dé niá rod. Jízọs kọ́n gó wiá di trii dè. Bọt I nọ́ sí énítin ọntọ́p di trii ẹsẹ́pt lif. Naím I tẹ́l di trii sé, “Yu nọ́ go ẹ́vá gró éní frut agen!” An di trii jọ́s daí atwọns.
19. He saw a fig tree near the road. Jesus went to where the tree was. But He did not see anything on the tree, except leaves. So He said to the tree, “You will never grow any fruit again!” And the tree dried up at once.
20. Wẹ́n di pípul wé de fọ́ló Jízọs Im wè sí wétín hápun, dẹm sọpraíz wẹ́l wẹl. Dẹm kọ́n sé, “Na haú di fíg trii ték daí atwọns?”
20. When His disciples saw what happened, they were very surprised. They said, “How did the fig tree dry up at once?”
21. Jízọs ánsá dẹm sé, “A de tẹ́l una tru. Íf una pút una trọst fọ Gọd an una nọ́ gẹ́t tuú maind abaut wétín Gọd fít du, una go fít dú wétín A bin dú to dís fíg trii. An nọ́ bi ónlí dat. Una go ívún fít tẹ́l dís maúntin, ‘Gẹ́t ọ́p frọm hia gó tró yọsẹf ínsaíd bíg-díp-wọtá.’ An i go hápun.
21. Jesus answered them, “I tell you the truth. If you have faith in God and you do not doubt what God can do, you can do what I did to this fig tree. And not only that. You can even tell this mountain, ‘Get up from here and throw yourself into the sea.’ And it will happen.
22. An énítin una áks Gọd wẹ́n una de pre, I go dú am fọ una íf una pút una trọst fọ Gọd.”
22. And anything you ask God when you pray, He will do it for you if you believe in Him.”
Di Rait Wé Jízọs Gẹ́t fọ Dú Wétín I de Du
The Authority Jesus Has to Do What He Does
(Vas 23-27)
(Verses 23-27)
(Mak 11:27-33; Luk 20:1-8)
(Mark 11:27-33; Luke 20:1-8)
23. Jízọs kọ́n gó bák fọ Gọd-Haus im yad. As I dé dia de tich, naím Juu pípul dẹm chíf prist-dẹm an dẹm ẹ́lda-dẹm kọ́m mít Am. Dẹm áks Am sé, “Wích rait Yu gẹ́t fọ dú dís tins? Na hú gív Yú di rait?”
23. Jesus returned to the yard of God’s House. As He was teaching there, the chief priests and the elders of the people came to Him. They asked Him, “By what authority do You do these things? Who gave You the authority?”
24. Jízọs ánsá dẹm sé, “Mi tuu go áks una wọ́n kwẹ́shọn. Íf una tẹ́l Mí di ánsa, dẹn A go tẹ́l una di rait wé A gẹ́t fọ dú dís tins.
24. Jesus answered them, “I also will ask you one question. If you tell Me the answer, then I will tell you by what authority I do these things.
25. Na wiá Jọn frọm gẹ́t di rait to baptaíz pípul? Abí na frọm Gọd ọ na frọm húmánbin-dẹm?” Naím dẹm stát to tọ́k wit ích ọ́da abaut di kwẹ́shọn. Dẹm sé, “Íf wi ánsá, ‘Na frọm Gọd,’ I go tẹ́l ọ́s sé, ‘Dẹn wétín mék una nọ́ bilív Jọn?”
25. Where did John get the authority to baptize people? Was it from God or from human beings? They started to discuss with each other about the question. They said, “If we answer, ‘It was from God,’ He will say to us, ‘Then why did you not believe John?”
26. Bọt íf wi ánsá, ‘Na frọm húmánbin-dẹm,’ wi de fiá wétín di pípul fít dú ọs. Dis na sékọf sé ọ́l ọf dẹm bilív sé Jọn na prọ́fẹt.”
26. But if we answer, ‘It was from human beings,’ we are afraid of what the people might do to us. This is because all the people believe that John was a prophet.”
27. Naím dẹm ánsá Jízọs sé, “Wi nọ́ no.” An Jízọs tẹ́l dẹm sé, “Dẹn Mi tuu nọ́ go tẹ́l una di rait wé A gẹ́t fọ dú dís tins.
27. So they answered Jesus, “We don’t know.” And Jesus said to them, “Then I also will not tell you by what authority I do these things.
Jízọs Tẹ́l di Párébul Abaut Wọ́n Man an Im Tuú Bọí-pikin
Jesus Tells the Parable About a Man and His Two Sons
(Vas 28-32)
(Verses 28-32)
28. “Na wétín una tínk abaut dis? I gẹ́t wọ́n man wé gẹ́t tuú bọí-pikin. I kọ́n gó mít di fẹ́st pikin tẹ́l am sé, ‘Mai pikin, mék yu gó wọ́k fọ mai grép fam todè.’
28. “What do you think about this? There was a man who had two sons. He went to the first son and said, ‘Son, go and work in my grape farm today.’
29. Di pikin ánsá, ‘A nọ́ go gò.’ Bọt áfta, i kọ́n chénj im maind kọ́n gò.
29. The son answered, ‘I will not go.’ But later, he changed his mind and went.
30. Dẹn di man gó mít di ọ́dá pikin tẹ́l am di sém tin. Di pikin ánsá, ‘A go gò, sa.’ Bọt i nọ́ gò.”
30. Then the man went to the other son and said the same thing to him. The son answered, ‘I will go, sir.’ But he did not go.”
31. “So, na wích ọf di tuú pikin dú wétín im papá want?” Di chíf prist-dẹm an di ẹ́lda-dẹm ánsá, “Na di fẹ́st pikin.” Naím Jízọs tẹ́l dẹm sé, “A de tẹ́l una tru sé, pípul wé de kọlẹ́t taks an asháwó-dẹm go fẹ́st una bikọ́m pípul wé Gọd de rúl as King.
31. “So, which of the two sons did what his father wanted?” The chief priests and elders answered, “The first son.” Then Jesus said to them, “I tell you the truth, tax collectors and prostitutes will become people who God rules as King before you do.
32. A de tọ́k dis sékọf sé, Jọn wé de baptaíz pípul bin kọ́m to una to shó una di kọrẹ́t wè fọ ték lív una laif as Gọd wánt una to lív am. An una nọ́ bilív Jọn. Bọt pípul wé de kọlẹ́t taks an asháwó-dẹm bilív am. Ívún wẹ́n una sí sé dís pípul bilív Jọn, una stíl nọ́ grí chénj una maind an bilív am.
32. I say this because, John the Baptist came to you to show you the right way to live your lives as God wants you to live. And you did not believe John. But the tax collectors and prostitutes believed him. Even when you saw that these people believed John, you still refused to change your minds and believe him.
Jízọs Tẹ́l di Párébul Abaut di Wíkẹ́d Fáma-dẹm
Jesus Tells the Parable About the Wicked Farmers
(Vas 33-46)
(Verses 33-46)
(Mak 12:1-12; Luk 20:9-19)
(Mark 12;1-12; Luke 20:9-19)
33. “Mék una hiá anọ́dá párébul. I gẹ́t wọ́n man wé gẹ́t im ón fam. Di man plánt grep fọ di fam. I kọ́n fẹ́ns am raund, an i díg hol wiá dẹm go de prẹs prẹ́s grep fọ ték kọlẹ́t di grep wọtá ték mék wain. Dẹn i bíld táwa wiá pẹ́sin go sté de wọ́ch di grép fam. An dẹn i rẹ́nt di grép fam gív sọm fáma-dẹm kọ́n trávúl gó anọ́dá kọ́ntri.
33. “Listen to another parable. There was a man who had his own farm. The man planted grapes in the farm. Then he fenced it all around and dug a hole for a winepress to extract the juice of the grapes to make wine. Then he built a tower where someone would stay and watch over the grape farm. An then he rented the grape farm to some farmers and traveled to another country.
34. Wẹ́n taim rích fọ ték gádá di grep-dẹm, di man kọ́n sẹ́n im sávant-dẹm to di fáma-dẹm mék dẹm kọlẹ́t im ón shiá ọf di grep.
34. When the time reached to gather the grapes, the man sent his servants to the farmers to collect his share of the grapes.
35. Di fáma-dẹm hól im sávant-dẹm. Dẹm bít wọ́n ọf dẹm an kíl anọ́dá wọn. Dẹn dẹm stón anọ́dá wọn fọ ték kíl am.
35. The farmers took hold of his servants. They beat one of them and killed another one. Then they stoned another one to death.
36. Naím di man sẹ́n ọ́dá sávant-dẹm to di fáma-dẹm. I sẹ́n sávant-dẹm wé plẹntí pás di fẹ́st sávant-dẹm wé i bin sẹn. Bọt di fáma-dẹm dú dẹm di sém tin wé dẹm bin dú di fẹ́st sávant-dẹm.
36. Then the man sent other servants to the farmers. He sent more servants than he had sent the first time. But the farmers did to them the same thing that they did to the first servants.
37. Áftá dát wọ́n dọ́n pas, di man kọ́n sẹ́n im bọí-pikin to di fáma-dẹm. I sé, ‘A dé shọ sé di fáma-dẹm go rẹspẹ́t mai pikin.’
37. After that, the man sent his son to the farmers. He said, ‘I am sure the farmers will respect my son.”
38. Bọt wẹ́n di fáma-dẹm sí di man im pikin, dẹm tẹ́l ích ọ́da sé, ‘Dis na di fám óna pikin. Dís grép fam go bilọ́ng to am wẹ́n im papá dai. Mék una kọm mék wi kíl am, dẹn di grép fam go bi awa on!’
38. But when the farmers saw the man’s son, they said to each other, ‘This is the son of the owner of the farm. This grape farm will belong to him when his father dies. Let us kill him, then the grape farm will be ours!’
39. Naím dẹm hól di man im pikin. Dẹm trowé am kọmọ́t frọm di grép fam, an kọ́n kíl am.
39. So they took hold of the man’s son. They threw him out of the grape farm and killed him.
40. So, wẹ́n di man wé gẹ́t di grép fam kọm, na wétín i go dú dís fáma-dẹm?”
40. So, when the owner of the grape farm comes, what will he do to those farmers?”
41. Juu pípul dẹm lída-dẹm ánsá Jízọs sé, “I go kíl dís bád pípul kpátákpátá! Dẹ́n i go rẹ́nt di grép fam gív ọ́dá fáma-dẹm. Di niú fáma-dẹm go gív am im shiá ọf di krọp wẹ́n taim fọ hávẹst rich.”
41. The Jewish leaders answered Jesus, “He will completely destroy those wicked people! Then he will rent out his grape farm to other farmers. The new farmers will give him his share of the crop when the time of harvest comes.”
42. Jízọs kọ́n tẹ́l dẹm sé, “Abí una nẹ́vá ríd dís tin fọ Gọd-Buk? ‘Di ston wé di pípul wé de bíld haus trowè sé i nọ́ gẹ́t hẹd, dọ́n bikọ́m di ston wé dé impọ́tant pás ọ́l di ọ́dá ston-dẹm fọ di haus. Na Gọd dú dís tin, an wétín I du dé wọ́ndáful fọ awa ai!’
42. Jesus said to them, “Haven’t you read this in God’s Book? ‘The stone that the house builders threw out as useless, has become the most important stone out of all the other stones. It was God that did this, and what He did is wonderful in our sight!’
43. Sódiáfọ, A de tẹ́l una sé, “Gọd go ték frọm una di rait wé una gẹt as pípul wé Gọd de rúl as King. An I go gív am to pípul wé de dú wétín I want.
43. Therefore, I tell you, “God will take away from you the right you have as people He rules as King. And He will give it to people who do what He wants.
44. [Éníbọ́di wé fọ́l ọntọ́p dís ston go brẹ́k íntó písis. An íf di ston fọ́l ọntọ́p sọ́mbọ́di, i go graínd di pẹ́sin mék i bí laik paúda.]”
44. [Anyone that falls on this stone will break into pieces. And if the stone falls on someone, it will crush the person like dust.]”
45. Wẹ́n di chíf prist-dẹm an Fárisí pípul hiá Jízọs Im párébul-dẹm, dẹm sabí sé I de tọ́k abaút dẹm.
45. When the chief priests and the Pharisees heard these parables from Jesus, they knew that He was talking about them.
46. Naím dẹm kọ́n trai mék dẹm hól Am. Bọt dẹm de fiá di pípul, sékọf sé di pípul bilív sé Jízọs na prọ́fẹt.
46. So they tried to arrest Him. But they were afraid of the people, because the people believed that Jesus was a prophet.