Haú to Ríd an Raít Naijíriá Píjin

Dis na wétín yu go sí fọ dís pej:

1. Di Naijíriá Píjín Álfábẹt

2. Haú to tọ́k di Álfábẹt im sain-dẹm

3. Naijíriá Píjín Vául-dẹm

4. Naijíriá Píjín Kọ́nsónanti-dẹm

5. Tón Mak-dẹm

6. Vául-dẹm Haí an Ló Ton

7. Dọt-fọ-ọ́ndá ‘e’ an ‘o’ Vául-dẹm

Naijíriá Píjín (NP) Álfábẹt

Naijíriá Píjín Álfábẹt (NPA) nọ́ bi Ínglísh Álfábẹt. NPA rizẹ́mbúl plẹ́ntí ọ́dá Naijíriá lángwej-dẹm álfábẹt. I rízẹ́mbúl Kamẹrún Píjin an Krió (Siẹra Lión Píjín) álfábẹt tuu. Bọt NP álfábẹt bi di spẹ́shál álfábẹt fọ di lángwej.

Na Tátí (30) sain dé fọ Naijíriá Píjín Álfábẹt. Yu fít yúz bíg ọ smọ́l sain-dẹm ték raít di álfábẹt.

Haú to Tọ́k Naijíriá Píjín Álfábẹ́t Sain-dẹm

Naijíriá Píjín Vául-dẹm

Na sẹ́vún (7) vául dé fọ Naijíriá Píjín álfábẹt. Dẹm bi:

Naijíriá Píjín Kọ́nsónanti-dẹm

Naijíriá Píjín álfábẹt gẹ́t twẹnti-tírí (23) kọ́nsónanti. Dẹm bi:

Tón Mak-dẹm

Naijíriá Píjin (NP) na tón lángwej wé gẹ́t haí ton-dẹm laik dis: (  ́ ) an ló ton-dẹm laik dis: (  ̀ ). Di ton-dẹm de hẹ́lẹ́p pípul wé de spík NP mék dẹm spík im wọd-dẹm fọ kọrẹ́t wè.

Fọ éní NP wọd wé níd mék yu mák di ton-dẹm, na ónlí di haí ton-dẹm yu go mak. Nọ́máli, dẹm nọ́ de mák ló ton-dẹm, sékọf sé ples wiá dẹm dè fọ NP plẹntí wẹ́l wẹl.

Éniwe, yu fít yúz ló tón mak-dẹm ték mák wọ́d-dẹm wé haú to spẹ́l dẹm bi di sem, bọt wétín dẹm min nọ́ bi di sem. Mék yu sí sọm ẹzámpul fọ ọ́nda:

Vául-dẹm Haí an Ló Ton

Dọt-fọ-ọ́ndá ‘e’ an ‘o’ Vául-dẹm

Dis na di dọt wé dé ọ́ndá ‘e’ an ‘o’ fọ Naijíriá Píjin (NP), an wé yu fít yúz to mék ‘e’ an ‘o’ mék dẹm bi ‘ẹ’ an ‘ọ’.

Di dọt-dẹm go hẹ́lẹ́p yu wé de ríd NP mék yu sabí haú di saúnd ọf di vául-dẹm dé dífrẹ́n frọm ích ọdá.

I go ọ́lsó hẹ́lẹ́p yú sabí haú to spík di dífrẹ́n difrẹ́n vául-dẹm.